تعلیمی ادارہ غاتے پین بند کننگ آن مچ آتعلیمی سال زیان مریک‘نذیر بڑیچ
Get real time updates directly on you device, subscribe now.
کوئٹہ (آن لائن) بلوچستان پرائیویٹ اسکولز گرینڈ الائنس نا ترجمان نذر بڑیچ پارینے کہ تعلیمی ادارہ غاتے پین بند کننگ آن مچ آتعلیمی سال انا زیان مننگ ناخلیس ارے‘ بلوچتستان اٹ تدوک آ 8 تُو آن تعلیمی ادارہ غاک بند ءُ وخت اس کہ باسن انگا زون اٹ چار تُو آن بند ءُ اسہ کنڈآ تعلیمی سال زیان مننگ اٹی ءِ ایلو کنڈآ تعلیمی ادارہ غاتا زرگزرانی خون کننگ انگ ءِ۔ دا خیال آتا درشانی ءِ او تدوک آدے اسلام آباد اٹ مچ آ پاکستان نا نجی تعلیمی ادارہ غاتا ایسوسی ایشن تا اسیجائی کانفرنس آن بلوچستان نا نمائندگی ءِ کرسا تران کرسا کرے‘ کانفرنس آن پرائیویٹ اسکولز فیڈریشن نا صدر کاشف مرزا، ابرار حسین، اکرم شیخ، سلیم ناصر‘ نذر حسین وایلو راہشونک تران کریر‘ کانفرنس اٹ اسیجائی اٹ مچ آ پاکستان اٹ اسہ جاگہ غا 15 اگست آن غٹ نجی تعلیمی ادارہ غاتے ملنگ نافیصلہ کننگا۔