قلات‘کتب خانہ غاک قوم انا میرات مریرہ‘عزت نذیر بلوچ
Get real time updates directly on you device, subscribe now.
قلات (خ ن) ڈپٹی کمشنر قلات عزت نذیر بلوچ پارینے کہ کتب خانہ غاک قوم انا میرات مریرہ‘ دنیا ٹی ہمو قوم شون ہلنگ کیک ہرادے تینا تاریخ‘ دود ربیدہ و ایب کیب انا حالیت آتا سما مریک‘ ورنا چین نا ذہنی واکداری کچ ءِ ودفنگ کن کتب خانہ اہم کڑد ادا کیک‘ پوسکن آ دور انا خواست آتون ہمگرنچ لائبریری وخت انا گرج ءِ۔ دا خیال آتا درشانی ءِ او پبلک لائبریری قلات نا دورہ ناوخت آ کرے۔ دا وخت آ او لائبریری ٹی تروک آسراتی تا جاچ ءِ ہلک و آن لائن کلاس ہلوک مار ومسڑ طالب علم آتا ویل آتے خف تورے۔ ڈپٹی کمشنر قلات ہمو وخت آو یل آتے ایسر کننگ ناپرمان کرے و ایلو ویل آتے دمدستی ایسر کرفنگ نا باور ہم کرفے۔ ڈپٹی کمشنر قلات عزت نذیر بلوچ پبلک لائبریری نا جوان انگا نظام و کاریم کننگ آ کارندہ غاتا کارکرد نا ستاءِ کرسا اومیت درشان کرے کہ داکان پد ہم کارندہ غاک پبلک لائبریری نا فعالی ٹی تینا کڑد ءِ ادا کرسا کیرہ۔ او آن لائن کلاس تا بابت مون تروک انٹرنیٹ نا ویل انا ایسری کن دمدستی پی ٹی سی ایل انٹرنیٹ نا پین کنکشن خلنگ نا پرمان جاری کرے۔