صوبائی حکومت بیرہلوک کارروائی تے ٹی الس نا مہر ئِ کم کننگ کپک‘حاجی زابد ریکی
Get real time updates directly on you device, subscribe now.
واشک (آن لائن) جمعیت علماءاسلام نا صوبائی اسمبلی نا باسک حاجی میر زابد علی ریکی پارینے کہ واشک نامظلوم الس سیاسی پڑ آ ظالم نا مون اٹ مظلوم تون تفے‘ صوبائی حکومت کنا برخلاف اخس کہ بیر ہلوک کارروائی کے ولے الس نا مہر ئِ چٹفنگ کپک‘ 13 سال اٹ اسہ نمائندہ اس ہم شنگر نا دورہ ئِ کتنے اینو ای شنگر اٹ الس نا نیام اٹ مرسا بھازخوش اٹ‘ واشک صوبائی حکومت نا نشانہ غاٹے بندغ آتے بنداوی آسراتی تیان محروم کننگ انگ ئِ‘ شنگر ہسپتال ناکارندہ غاک تینا حاضری تے پک کرسا مش انا دامان اٹ غریبی آن شیف زند تیر کروک تینا غریب و کم دست بندغ آتا درمان ئِ کیر۔ دا خیال آتا درشانی ئِ او یونین کونسل شنگر نا دورہ نا وخت آ ہندی متبر و بنداوی ہیلتھ یونٹ شنگر نا دورہ نا وخت آ ہیت وگپ کرسا کرے۔