کشت وکشار ئِ پوسکن آ خواست آتون ہمگرنچ کننگ کن ہر وڑ انا گام گیج کننگک‘قمبردشتی

بارکھان (خ ن) سیکرٹری کشت وکشار قمبر دشتی تدوک آدے ضلع بارکھان نا دورہ ئِ کرے۔ ڈائریکٹر جنرل کشت وکشار عارف شاہ ہم اوڑتون تُد ئس۔ سیکرٹری کشت وکشار دا وخت آ محکمہ کشت وکشار نا افسر وزمیندار آتون اوڑدہی کرے۔ ڈپٹی ڈائریکٹر کشت وکشار ایکسٹینشن‘پلانٹ پروٹیکشن‘ سوائل فرٹیلیٹی و اسسٹنٹ ایگریکلچر انجینئر ایم ایم ڈی بارکھان سیکرٹری کشت وکشار قمبر دشتی ئِ محکمہ کشت وکشار نابابت بریفنگ تسر۔ قمبر دشتی دا وخت آتینا خیال آتا درشانی ئِ کرسا پارے کہ کشت وکشار ننا ملکی زرگزران و روزگار کن بھاز اہم ئِ‘ ہندا سوب آن ننا حکومت کوشست کننگ اٹی ئِ کہ دا بشخ ئِ پوسکن آ خواست آتون ہمگرنچ کننگ کن ہر وڑ انا گام گیج کننگے تاکہ کشت وکشار تون گنڈوک بندغ آتے آسراتی تا فراوانی و ملکی زرگزران ئِ سیبو تننگ مرے۔