فٹبال سپینش لیگ‘ بارسلونا ولاریال ءِ 4-1 اٹ کٹا
Get real time updates directly on you device, subscribe now.
میڈرڈ (مانیٹرنگ ڈیسک) فٹبال سپینش لیگ اٹ بارسلونا ولاریال نا برخلاف 4-1 اٹ سرسہبی دوئی کرینے۔ بھلو سرسہبی سے آن پد ٹیم بارسلونا ولدا ہم ٹاپ آ بننگ کتو۔ سپر اسٹار لیونل میسی ہم ہچ ءُ گول اس کننگ کتو۔ حوال نا رداٹ لالیگا نا چمپئن ٹیم بارسلونا نا نمبر پنچ ولاریال تون مقابلہ مس۔ اسٹار پلیئر تیان پُر انگا ٹیم بارسلونا نا گوازی جوان ئس۔ مسٹمیکو آن منٹ اون گول اٹ اسکور نا بنا ءِ کننگا۔ سوآریز 20 میکو منٹ اٹ اسکور ءِ ڈبل کرے۔ گریز مین نا گول آک 3-1 مسر۔ ارٹمیکو ہاف اٹ فیٹی بال ءِ جال اٹ شاغسا کمال کرے۔ 4-1 نا اسہ بھلو سرسہبی سے ٹی بارسلونا ءِ ٹاپ پوزیشن تو ولدا رسینگا ولے ٹائٹل ءِ کٹنگ نا مقابلہ ٹی اوار مننگ نا اومیت آک ہم ودار۔