پاکستان کرکٹ ٹیم بھارت ءِ اونا ملک اٹ کٹنگ کیک‘ بریڈ ہوگ

0

Get real time updates directly on you device, subscribe now.

سڈنی(مانیٹرنگ ڈیسک) مسکوہی آسٹریلوی کرکٹر بریڈ ہوگ پارینے کہ دا وخت آ پاکستان اسٹ انگا ٹیم ءِ ہرا بھارت ءِ اونا ملک اٹ کٹنگ کیک۔ بریڈ ہوگ پارینے کہ گرین کیپ آتون جوان ءُ پیس یونٹ تون اوار جوان ءُ اسپنر ہم ارے، اونا بیٹنگ اٹ ہم گچینی ارے، داڑتون اوار او بھارتی کنڈیشن تے ہم جوان چاہک، ولے ویل دادے کہ او سیاسی سوب آتا بنداو آ بھارت آ ہننگ کپسہ۔ ہندا سوب آن ارٹمیکو جوان انگا ٹیم ہرا کوہلی الیون ءِ اونا گراؤنڈ آتے کٹنگ کے او آسٹریلیا ءِ۔ بریڈ ہوگ مستی پارینے کہ 2014 ٹی ویرات کوہلی نا کنڈآن ٹیسٹ ٹیم نا کماشی ءِ سنبھالنگ آن پد بھارت تینا ملک اٹ اسہ ٹیسٹ سیریز اس ہم با تتنے۔ گڈیکو وار اودے تینا گراؤنڈ آتیٹی ٹیسٹ میچ آتا سیریز اٹ 2012 ٹی انگلینڈ آن بے سہبی دوئی مسوسس۔

Get real time updates directly on you device, subscribe now.

Leave A Reply

Your email address will not be published.