جاپانی حکومت شیدائی تے اسٹیڈیم آ بننگ و میچ ہُننگ نا موکل تِس
Get real time updates directly on you device, subscribe now.
ٹوکیو (مانیٹرنگ ڈیسک) لاک ڈاؤن اٹ فٹبال و بیس بال نا شیدائی تے جوان ءُ خبر اس ملا۔ جاپان حکومت اسپورٹس شیدائی تے اسٹیڈیم اٹ بننگ و میچ ہُننگ نا موکل تسنے۔ حوال نا رداٹ جاپان اٹ لاک ڈاؤن اٹی اسپورٹس شیدائی تے اسٹیڈیم آ بننگ و میچ ہننگ نا موکل تننگانے۔ ہندا ہفتہ ٹی شیڈول فٹبال و بیس بال ایونٹس اٹ شیدائیک ہم اسٹیڈیم آ بننگ کیرہ۔ شیدائیک ایس او پیز آتا خاص خیال ءِ تخسا میچ ءِ ہننگ کیرہ۔ اسٹیڈیم نا نیمہ گنجائشست یعنی 50 درسد یا 5 ہزار بندغ آتیان ہرا کچ کم مرے اودے اسٹینڈ اٹ تولسا میچ ءِ ہُننگ نا موکل مریک۔ کمامدار آتا دا فیصلہ غان اسپورٹس لور آک بھاز خوش ءُ۔