جناح روڈ آ عارضی و پکا انگاتجاوز آتے چٹفنگا
Get real time updates directly on you device, subscribe now.
کوئٹہ(اے پی پی) ایڈمنسٹریٹر کوئٹہ میٹرو پولیٹن کارپوریشن طارق جاوید مینگل نا پرمان تارداٹ اینٹی انکروچمنٹ آفیسر محمد قاسم خان و میونسپل مجسٹریٹ سربلند کھوسہ نا چاروکی ٹی چارشنبے نادے آ جناح روڈ آ عارضی و پکاانگا تجاوزات آتے ہرفنگا و ہسپتال تون مون مقابل تفوک آ ماڑی ءِ بلڈنگ کوڈ انا خلاف ورزی کننگ و میونسپل سیوریج نظام ءِ ڑند کننگ آ شونداری کاریم ءِ بند کرفنگا۔ داکان بیدس فاطمہ جناح روڈ آ ہم بلڈنگ کوڈ انا خلاف ورزی کروک آ اسہ ماڑی اسے سِیل کننگا و پارت کننگاکہ درکار دستاویز آتون اوار دفتر میٹروپولیٹن کارپوریشن کوئٹہ غا پیش مریر، شار انا ایلو علاقہ غاتون اوار اوار طوغی روڈ آہم مشن چوک آن تجاوزات آتا برخلاف کارروائی مس و غیر کانودی شیڈ آتے دڑفنگا، روڈ آ تخوک دوکان تا گڑاتے تہہ ٹی کرفیر و آخیری وارننگ تننگا۔ سڑک آ خلوک بجلی جنریٹر ءِ سڑک آن اسہ کنڈ کننگ نا تنبیہ کننگا و بلڈنگ کوڈ انا خلاف ورزی کروک آ اسہ ماڑی اسے نا شونداری کاریم ءِ تورسا المی دستاویز آتون اوار دفتر اٹ پیش مننگ نا پارت کننگا۔ کارروائی اینٹی انکروچمنٹ آفیسر محمد قاسم خان، میونسپل مجسٹریٹ سربلند کھوسہ،میٹرو پولیٹن روڈ گینگ عملہ، آر آر جی و ای لائٹ فورس و تعلقدار تھانہ نا کارندہ غاتا چاروکی ٹی کننگا۔