پاکستان علاقائی کمکاری، اقتصادی سفارتکاری و جہانی امن ءِ اولیت ایتک،ترجمان دفتر خارجہ

سعودی آرامکو نا بست بندی ماڑی و ریاض نا کنگ عبداللہ فنانشل ڈسٹرکٹ اٹی حوثی ملیشیا نا جلہو نا اخس کہ مذمت کننگے کم ءِ، دن انگا جلہو آک ڈیہہ انا امن کن بھلو گڑتی ودی کننگ نا سوب مریرہ

0

Get real time updates directly on you device, subscribe now.

اسلام آباد، دفتر خارجہ پارینے کہ پاکستان علاقائی امن و سوگوی، اقتصادی کمکاری، موسمیاتی بدلی تون مون تننگ و جہانی کہول آ گچین سفارتکاری نا شون تننگ کن تینا کوشست آتے ترند کرینے۔ وزیراعظم شہباز شریف نا COP31 اٹی بشخ ہلنگ آن ہلیس اسلام آباد اٹی اقتصادی کمکار تنظیم (ECO) نا وزرائے خارجہ دیوان، چندی ملک آتتون بڑزکو کہولی مذاکرات و فلسطین و سعودی عرب تون تعلقدار اہم سفارتی موقف اسکان، پاکستان نا خارجہ پالیسی ٹی تعلقداری تا سوگوی و علاقائی کمکاری ءِ خصوصی اہمیت تننگ انگ ءِ‘ ترجمان دفتر خارجہ سجاد حیدر ہفتہ وار بریفنگ اٹی پارے کہ وزیراعظم شہباز شریف 10 آن 12 نومبر 2026ء اسکان ترکیہ نا شار انطالیہ نا دورہ ءِ کرے، ہراڑے او اقوامِ متحدہ نا موسمیاتی بدلی کنونشن نا 31 می کانفرنس (COP31) نا سروکی دیوان اٹی بشخ ہلک۔ دا وخت آ وزیراعظم نا ترک صدر رجب طیب اردگان تون اوڑدہی مس، ہراٹی ہڑتوم آ راہشونک پاکستان و ترکیہ نا ایلمی تعلقداری تے پک کرسا ہڑتوم آ کنڈآن کمکاری، علاقائی حالیت و امن و سوگوی نا شون تننگ آ گپ وتران کریر۔ ترجمان نا رِد اٹ وزیراعظم ایلو ملک آتا حکمران تتون اوڑدہی کرے، ہرافتے ٹی تعلقداری، علاقائی کمکاری، اقتصادی رابطہ و کثیر الجہتی فورم تیا رابطہ کاری نا باندات آتیا شرہ کننگا۔ نائب وزیراعظم اسحاق ڈار ECO، OIC و ایشیا ٹی پتداری نا گام گیج آتا رد اٹ کانفرنس (CICA) نا سیکرٹری جنرل تتون ہم اوڑدہی کرے‘ پاکستان دا علاقائی پلیٹ فارم تا کمک اٹ کمکاری ءِ پین سوگو کننگ نا ارادگی نا دوارگی ءِ کرے۔ ترجمان نا رِد اٹ دیوان نا تیاری تا رد اٹ سیکرٹری خارجہ سفیر آصف افتخار ECO سینئر کمامدار آتا دیوان نا کماشی ءِ کرے، ہراٹی وزرائے خارجہ کونسل نا ایجنڈا و اسلام آباد اعلامیہ نا مسودہ ءِ گڈیکو دروشم تننگا۔ ترجمان پارے کہ پاکستان و اٹلی نا نیام اٹی سیاسی سلابت نا ہفتمی دور اڈ ہلک، ہرانا اسیجائی کماشی ءِ سیکرٹری خارجہ آصف افتخار و اٹلی نا سیکرٹری جنرل سفیر ریکارڈو گوارگلیا کریر۔ مذاکرات آتیٹی واپاری‘ زرکاری، دفاع، تعلیم، ٹیکنالوجی و دود ربیدہ نا بشخ آتیٹی کمکاری ءِ ودفنگ آ گپ وتران کننگا۔

Get real time updates directly on you device, subscribe now.

Leave A Reply

Your email address will not be published.