پی پی ایچ آئی نا رد اٹ “صحت دہلیز” آ اسمبلی باسک آتے بریفنگ
کوئٹہ، اسپیکر بلوچستان صوبائی اسمبلی و قائم مقام گورنر بلوچستان نا کماشی ٹی بلوچستان صوبائی اسمبلی سیکرٹریٹ نا کمیٹی روم اٹی پیپلز پرائمری ہیلتھ کیئر انیشی ایٹو (PPHI) بلوچستان نا رد اٹ بنا کروک پوسکنوڑ ڈیجیٹل نظامِ جانجوڑی (صحت دہلیز) نا بابت صوبائی اسمبلی نا باسک آتے جم بریفنگ تننگا۔ دیوان اٹی صوبائی وزیر جانجوڑی بخت محمد کاکڑ، صوبائی اسمبلی نا باسک مولانا ہدایت الرحمن بلوچ، ظفر علی آغا، عبدالمجید بادینی، لیاقت علی لہڑی، کلثوم نیاز بلوچ، زرک خان مندوخیل، ڈاکٹر اشوک کمار، محمد خان لہڑی و سیکرٹری اسمبلی طاہر شاہ کاکڑ بشخ ہلک۔ چیف ایگزیکٹو آفیسر PPHI بلوچستان ڈاکٹر ایم بی راجہ دہریجو شریدار آتے ڈٹ انا مسخت، وڑ و ڈول و الس ءِ فراوان کروک طبی آسراتی تا رد اٹ جم بریفنگ تس۔