بلوچستان نا ورناک پاکستان نا آخبت ءُ، بے کچ لائخی ارے اِٹ تا،مینا مجید بلوچ، بابریوسفزئی

ورناک تینا خواری،قابلیت و عزم انا کمک اٹ نئے بیرہ بلوچستان بلکن پاکستان نا پن ءِ ہم روشنا کیرہ

0

Get real time updates directly on you device, subscribe now.

کوئٹہ، سلاہکار گوازی و امور نوجوانان مینا مجید بلوچ و کمکار داخلہ بلوچستان بابریوسفزئی اسک پارینو کہ بلوچستان نا ورناک پاکستان نا روشنا آخبت ءُ، صوبہ نا ورناتیٹی بے پناہ لائخی و ٹیلینٹ ارے، ہرا تینا خواری،قابلیت و عزم انا کمک اٹ نئے بیرہ بلوچستان بلکن پاکستان نا پن ءِ ہم روشنا کیرہ، یونیورسٹی لاکاج نا سیشن 2022-2026نا فارغ التحصیل طالب علم آتا اعزاز اٹی اڈ ہلوک دود آن تران کرسا ہڑتوم آ راہشونک طالب علم آتے مبارکبادی تسر و اوفتا روشنا آخبت کن نیک است خواہی نا درشانی ءِ کریر، داوخت آ کمکار داخلہ بلوچستان بابر یوسفزئی تینا تران اٹی پارے کہ بلوچستان نا ورناک مونجا مننگ نا جاگہ غا اومیت، جیرت و پتاری اٹ بایدے مونی کار۔ ننا ورناک ننا سرمایہ و ملک انا آخبت ءُ۔ اوفتے تینا تعلیم، لائخی وکڑد انا کمک اٹ ملک و قوم انا خذمت ءِ کروئی ءِ۔ اوپارے کہ ورناک تینا وطن تون مہرومریبت کیر، تینا قومی شناخت آ گمر کیر و ہچ ءُ منفی پروپیگنڈا، گمراہ کن بیانیہ و دشمن نا ریفنگ اٹ بفس۔ دروغ دعویٰ و گمراہ کن معلومداری تا جاگہ غا پٹ وپو ل، شعور و راستی تے اہمیت ایتر خوانوک آ ورناک ہی اسہ سوگو، پرامن و شون ہلوک پاکستان اسے نا بنداو ءُ، سلاہکار گوازی و امور نوجوانان مینا مجید بلوچ تینا تران اٹی پارے کہ بلوچستان نا کم وود 70 درسد آبادی ورناتیا تالان ءِ، ہرا صوبہ و پاکستان نا نہادی میرات ءُ۔ ورناتا لائخی تے مثبت سمت فراوان کننگ و اوفتے مون آ بننگ نا وارخواہی تننگ وخت انا اہم گرج ءِ اوپارے کہ بلوچستان نا ورناک تعلیم، گوازی،کانود، پٹ وپول و زند انا ایلو بشخ آتیٹی تینا لائخی تے منفنگ کیرہ۔ حکومت ورناتا است بڈی و اوفتے کن گچین وارخواہی ودی کننگ کن سنبرینگوک ءِ۔ دود انا ایسر آ فارغ التحصیل طالب علم آتے مبارکبادی ترسا اومیت نا درشانی ءِ کننگا کہ او تینا کسبی زند اٹی خواری، دیانت داری و زمواری ءِ تینا شعار جوڑ کیرہ و ملک و صوبہ نا شونداری ٹی تینا پبی کڑد ءِ ادا کیرہ۔

Get real time updates directly on you device, subscribe now.

Leave A Reply

Your email address will not be published.