گورنمنٹ گرلز ہائی اسکول شمبے اسماعیل اٹی دود اڈ تننگا
گوادر، گورنمنٹ گرلز ہائی اسکول شمبے اسماعیل اٹی انٹرنیشنل اسٹوڈنٹس ڈے انا وخت آ پی ٹی ایس ایم سی نا چیئرمین عبدالکریم، اسکول انتظامیہ و چیمپین کلب نا طالب علم آتا اواری اٹ اسہ دود اس اڈ ہلک۔ دود انا بنا تلاوتِ کلامِ پاک و نعت رسولِ مقبول ﷺ آن مس، ہراکان پد طالب علم آک زیبدار ءُ ٹیبلو و گچین تران پیش کرسا تعلیم نا اہمیت، طالب علم آتا لائخی و روشنا آخبت تون تعلقدار تینا خیال آتا درشانی ءِ کریر۔ دود اٹی شرفمند آ مہمان عادل نودیزئی، سقر ناصر و عبدالکریم تون اوار ساجدہ جلال و بلقیس سلیمان بشخ ہلکر۔ ترانکار آک تینا تران تیٹی طالب علم آتے قوم انا نہادی مڈی و آخبت نا ٹہیفوک گوندسا تعلیم، کڑدار سازی، تینے آ پتداری و مثبت سرجز آتا شون آ زور شاغار۔