پاکستان اٹی معدنی بشخ انا شونداری و زرکاری نا تالان گمانک روشنا ءُ، عطاء اللہ تارڑ
اسلام آباد، بنجائی وزیر حوالکاری و شینکاری عطاء اللہ تارڑ پارینے کہ پاکستان اٹی معدنی بشخ انا شونداری و زرکاری نا تالان گمان آک روشنا ءُ، قومی معدنیاتی ڈیٹا سینٹر و جی ایس پی جیو پورٹل نا جاری مننگ پاکستان نا معدنی بشخ اٹی اہم پیشرفت اسے‘ بنجائی وزیر حوالکاری عطاء اللہ تارڑ ایکس آ بیان اٹی پارے کہ وزیراعظم شہباز شریف و چیف آف ڈیفنس فورسز فیلڈ مارشل سید عاصم منیر نا پاکستان منرلز انویسٹمنٹ فورم 2026ء نا سرسہب پوروی و پاکستان منرلز انویسٹمنٹ فورم 2026ء اٹی 60 آن زیات ملک آتا مندوب و زرکار آتا بشخ ہلنگ اہم ءُ سرسہبی اسے۔ پاکستان منرلز انویسٹمنٹ فورم ناوخت آ زرکاری نا بھلو پڑو مسر، معدنی بشخ اٹی زرکاری نا شون تننگ کن 13 معاہدہ و مفاہمتی یادداشت آتیا دستخط کننگا، پاکستان نا معدنی وسیلہ غاتتون تعلقدار معلومداری کن قومی معدنیاتی ڈیٹا سینٹر نا بناءِ کننگا۔