کردگاپ و کولپور اٹ سیکورٹی فورس آتا شہید مننگ آ گورنر بلوچستان نا ڈکھ و ارمان
کوئٹہ، گورنر بلوچستان شیخ جعفر خان مندوخیل بلوچستان نا علاقہ کردگاپ و کولپور نا ایب کیب اٹی دہشت گرد آتا جلہو نا سوب آن میجر عمر ناصر منہاس و حوالدار محمد عدنان خان نا شہادت آ ڈکھ وارمان کرینے‘ تینا اسہ مذمتی بیان اسے ٹی گورنر بلوچستان پارے کہ وطن نا دفاع و الس نا جان و مال انا رکھ اکن تینا نہادی جان تے ندر کروک آ بہادر شہید آتا دتر اسُل زیان مفک۔ او کانود نافذ کروک ادارہ غاتیا زور شاغا کہ او ہر وڑ انا بھسکاری و دہشت گردی نا پورو چٹفنگ کن سوگو گام گیج کیر او پارے کہ دہشت گردی بیرہ اسہ بیدادی آ تالان کارروائی اس آخا بلکہ بھیم و خلیس آ تالان اسہ ہندن ءُ فکر اسے ہرانا چٹفنگ حکومت و الس نا اسیجائی کوشست آتیان مننگ کیک۔