صدر ڈونلڈ ٹرمپ گچین کاری نا نتیجہ غاتیا سوج چست کرے، پولنگ سروے و ووٹنگ مشین تا کارکڑد آ ہم شکبری نا درشانی

واشنگٹن، امریکی صدر ڈونلڈ ٹرمپ امریکہ نا نیامی مد انا گچین کاری تا نتیجہ غاتیا سوج چست کرسا گچین کاری نا رد و ریسہ نا شفافیت، پولنگ سروے و ووٹنگ مشین تا کارکڑد آ شکبری نا درشانی ءِ کرینے۔ او سوشل میڈیا پلیٹ فارم ٹروتھ سوشل آ تینا بیان اٹی گچین کاری نا نتیجہ غاتے شکبر گوندسا پارے کہ مگہ کس پت کننگ کیک کہ دا گچین کاریک شفاف ئسر و پول انا نتیجہ غاک اخس رد ثابت مننگ کیرہ؟؛ صدر ٹرمپ تینا بیان اٹی پارے کہ بنائی ووٹنگ نا منہ نتیجہ غاتا حساب کتاب اخس بھلن ئس کہ اوفتا مون اٹ سرسہبی دوئی کننگ متوکہ‘ چاہے اخس ہم بندغ وونٹ بٹنگ کن بسوسر۔ اوپارے کہ گچین کاری نا رد و ریسہ ٹی ووٹر آتا جاگہ غا مشین تا کڑد زیات اہم مسنے و فیصلہ غاتے ووٹرآک آخا بلکہ مشینک کننگ اٹی ءُ۔