قطبی وزیرستان اٹی سیکورٹی فورس آتا انٹیلی جنس بیسڈ آپریشن، مسیت آتیٹی جوڑ فتنہ الخوارج نا اِرا دہشت گرد ہند بھس کننگار
Get real time updates directly on you device, subscribe now.
راولپنڈی، قطبی وزیرستان نا علاقہ میر علی نا سویلی بشخ اٹی ساڑی موزک خلق اٹی سیکورٹی فورس آک انٹیلی جنس بیسڈ آپریشن نا وخت آ بھارتی کاٹم خواجہی ٹی کاریم کروک فتنہ الخوارج نا اِرا دہشت گرد ہند آتے بھس و کلیئر کریر، ہراکان بھلو کچ اسے ٹی تیار کروک دیسی ساختہ بمب (آئی ای ڈیز)، گڑا، سلہہ و سم تا گڑا دوئی کننگانے‘ پاک فوج انا شعبہ تعلقات عامہ (آئی ایس پی آر) نا رِد اٹ آپریشن نا وخت آ مسیت آتیٹی جوڑ خوارجی دہشتگرد آتا اِرا ہند ءِ کلیئر کننگا۔ دہشت گرد آک دا مسیت آتے سلہہ کوڑی کننگ و تینا بیدادی سرجز آتا ہند انا وڑ اٹ کاریم اٹ ایسوسر۔ آئی ایس پی آر پارے کہ دہشتگرد آتا کنڈ آن مسیت آتیٹی ہند جوڑ کننگ شعائرِ اسلام نا پاش ءُ لتاڑ اسے۔