علامہ اقبال نا فکری و ادبی خذمت آک برصغیر نا تاریخ نا اسہ روشنا ءُ باب اسے ءُ، میر ظہور بلیدی
Get real time updates directly on you device, subscribe now.
کوئٹہ، صوبائی وزیر ڈٹ بندی و شونداری میر ظہور بلیدی 9 نومبر ودی دے شاعرِ مشرق علامہ محمد اقبال نا وخت آ تینا کلہو اٹی پارینے کہ علامہ اقبال نا فکری و ادبی خذمت آک برصغیر نا تاریخ نا اسہ روشنا ءُ باب اسےءُ۔ او تینا شاعری نا کمک اٹ مسلمان تے ٹی بیداری، خودداری، سیوت و جہد انا جوزہ ودی کرے و ورنا چین ءِ اسہ باوقار و وتواجہ ءُ آخبت اسے نا سبخ تس۔ میر ظہور بلیدی پارے کہ علامہ اقبال نا فلسفہ خودی اینو ہم ننا قومی زند اکن راہشونی نا وڑاسے‘ اونا کلہو ننے علم، پٹ وپول‘ خواری، تینے آ پتداری‘ عملی جہد انا کنڈ آ اتنگ کیک‘ خاص وڑ اٹ ورناک بایدے اقبال نا فکر تیاں راہشونی دوئی کرسا ملک انا تعمیر و شونداری ٹی تینا کڑد ءِ ادا کیر۔