علامہ محمد اقبالؒ تینا فکر و فلسفہ نا کمک اٹ مسلمان تے ٹی خودی، تینے آ پتداری‘ سیوت و بیداری نا شعور ءِ بیدار کرے، حاجی نور محمد دمڑ
Get real time updates directly on you device, subscribe now.
کوئٹہ/ صوبائی وزیر کموڈیٹی مینجمنٹ ڈیپارٹمنٹ و چیئرمین بلوچستان فوڈ اتھارٹی حاجی نور محمد دمڑ 9 نومبر یومِ اقبال نا وخت آ تینا کلہو اٹی پارینے کہ علامہ محمد اقبالؒ برصغیر نا عظیم ءُ مفکر، شاعر و فلسفی اس ئس، ہرا تینا شاعری و فکر انا کمک اٹ مسلمان تے ٹی خودی، تینے آ پتداری‘ پت، سیوت، بیداری و آجوئی نا شعور ءِ بیدار کرے۔ او پارے کہ علامہ اقبالؒ تینا فکر و فلسفہ نا کمک اٹ ورنا چین ءِ بڑزکو حوصلہ، تینے آ پتداری‘ خواری و پدریسہ جہد انا سبخ تس‘ اونا کلہو اینو ہم نن کن کسرنا ڈیواءِ‘ خاص وڑ اٹ ورناک بایدے اقبالؒ نا فلسفہ خودی ءِ سرپند مرسا تینا لائخی تے ملک و قوم انا شونداری و شونہالی کن کاریم اٹ اتیر۔