عبدالباسط بزدار نا رکھنی ٹی پوسکنوڑ ہسپتال نا تفوئی کاریم تا جاچ
Get real time updates directly on you device, subscribe now.
رکھنی، وزیراعلیٰ بلوچستان میر سرفراز بگٹی نا وژن نا رِد اٹ الس ءِ پوسکنوڑ طبی آسراتی تے اوفتا درگہ غا فراوان کننگ و پدتموک علاقہ غاتیٹی شونداری ڈٹ آتے عملی دروشم تننگ نا رد اٹ کمشنر کوہِ سلیمان ڈویژن مجیب الرحمن قمبرانی نا پارت آ ایڈیشنل کمشنر کوہِ سلیمان ڈویژن عبدالباسط بزدار و پروجیکٹ ڈائریکٹر رکھنی ڈویلپمنٹ پیکج رکھنی ٹی حکومت بلوچستان نا کنڈ آن 50 بسترہ غا تالان پوسکنوڑ ہسپتال نا تفنگ کن پک کروک سائٹ نا دورہ ءِ کریر‘ داوخت آ اسسٹنٹ کمشنر رکھنی فہد حسین عمرانی ہم اوفتتون اوار ئس۔ او ایڈیشنل کمشنر و پروجیکٹ ڈائریکٹر ءِ سلاہی سائٹ نا دورہ ءِ کرفے و ڈٹ اتون تعلقدار کیہی باندات آتیا بریفنگ تس۔ دورہ نا وخت آ ہسپتال نا تفنگ کن پک کروک جاگہ نا جاچ ءِ ہلنگا و ڈٹ آ پیشرفت ءِ پین ترند کننگ تون تعلقدار باندات آتیا ہم سجفنگا۔