کمشنر نصیرآباد ڈویژن نا شالی نا دیرَو آ خاخر لگنگ نا واقعہ نا نوٹس
Get real time updates directly on you device, subscribe now.
نصیرآباد، کمشنر نصیرآباد ڈویژن صلاح الدین نورزئی گوٹھ میر حسن کھوسہ ٹی پنی آ زمیندار میر منظور خان کھوسہ نا شالی نا دیرَو آ اناگت خاخر لگنگ نا واقعہ نا دمدستی نوٹس ءِ ہلسا تعلقدار کمامدار آتے ہلہلہ ئی بنداو آتیا کمکی کارروائی تا بنا کننگ و خاخر ءِ کسفنگ نا پارت کرے۔ کمشنر نصیرآباد ڈویژن نا خصوصی پارت آ نصیرآباد ڈویژن نا مسہ ضلع غان فائر بریگیڈ نا گاڈیک دمدستی وڑ اٹ جاگہ غا راہی کننگار، ہرافک جاگہ غا سرمسر خاخر کسفنگ نا کارروائی تیٹی بشخ ہلکر۔ فائر بریگیڈ نا کارندہ غاک کوشست آتیان پد خاخر ءِ کسفیر و اودے پین تالان مننگ آن توریر۔ خاخر لگنگ نا سوب آن ڈیرہ غاک تخوک شالی نا تیار فصل زہمی مس، وخت اس کہ واقعہ نا وخت آ ہندی بندغ آک ہم تینا کمک تینٹ نا رد اٹ خاخر ءِ کسفنگ نا کوشست کریر۔