گورنمنٹ بوائز ہائی اسکول سمالن سنجاوی ٹی اسپورٹس ویک نا بنا
Get real time updates directly on you device, subscribe now.
سنجاوی / وزیراعلیٰ بلوچستان میر سرفراز بگٹی نا پارت نارد اٹ مچ آ صوبہ نا تعلیمی ادارہ غاتیٹی گوازی تا سرجز آتا ریسہ نارد اٹ گورنمنٹ بوائز ہائی اسکول سمالن سنجاوی نا کنڈآن اسپورٹس ویک 2026 نا باقاعدہ بنا کننگا۔ دا رد اٹ حاجی نور محمد دمڑ فٹ بال اسٹیڈیم اٹی اڈ ہلوک بنائی دود انا وخت آ گورنمنٹ ٹیچرز ایسوسی ایشن ضلع زیارت نا صدر محمد نور دمڑ، اسکول نا ہیڈ ماسٹر محمد یوسف دمڑ و استاد آک فیتہ ءِ کاٹ کرسا اسپورٹس ویک انا بناءِ کریر۔ اسپورٹس ویک انا اولیکو دے فٹ بال، 100 میٹر دوڑ، بلائنڈ پول گیم، گولہ خسنگ تون اوار کیہی گوازی تا گوک مسر۔ ہرافتے ٹی طالب علم آک جوش و جوزہ و است خواہی اٹ بشخ ہلکر۔ داوخت آ طالب علم آک تینا جسمانی لائخی‘ گوازی تا چاہنداری و گو انا جوزہ نا درشانی ءِ کریر۔