ایران جنگ و کبینی ریپبلکنز نا با تننگ نا سوب آک ءُ، ٹرمپ

واشنگٹن، امریکی صدر ڈونلڈ ٹرمپ امریکی گچین کاری تا نتیجہ غاتے امنا کننگ نا پڑو ءِ کرینے، او پارینے کہ ایران جنگ و کبینی ریپبلکنز نا شکست نا سوب جوڑ مس۔ نیویارک ٹائمز ءِ انٹرویو ترسا امریکی صدر ڈونلڈ ٹرمپ پارے کہ گچین کاری تا نتیجہ غاتے امنا کننگ کن پورو وڑ اٹ سنبرینگوک اُن، ڈیموکریٹس تون اوار مرسا اسیجائی حکمت عملی آ کاریم مننگ کیک۔ او پارے کہ ڈیموکریٹک پارٹی تون اوار مرسا کاریم کننگ کن سنبرینگوک اُن، مننگ کیک کہ ہڑتوم آ جماعت آک اسہ باندات اسے آ امنائی ودی کیر‘ اوکان پد وال اسٹریٹ جرنل ءِ انٹرویو ترسا امریکی صدر پارے کہ ایران جنگ و کبینی ریپبلکنز نا شکست نا سوب جوڑ مس، تینا کابینہ ٹی بدلی کپرہ‘ امیگریشن تون اوار چندی باندات آ ڈیموکریٹس تون اوار مرسا کاریم کننگ کینہ۔ ٹرمپ پارے کہ ڈیموکریٹس نا گچین کاردی کارکڑد ناستاءِ کیوہ‘ ڈیموکریٹس کیہی باندات آتا کمک کننگ کیک‘ او پارے کہ بندغ آک پیٹرول نا نہاد آتیٹی ودکی نا کم وختی زہم تے سگنگ کن تیار الوس‘ گچین کاری نتیجہ غاتا ریپبلکنز نا برخلاف بننگ اٹی ایران جنگ اہم ئس‘ ڈیموکریٹس سٹی بل پیش کرے تو ویٹو کیوہ تا۔