ڈپٹی کمشنر کوئٹہ نا کماشی ٹی ڈسٹرکٹ کوآرڈینیشن کمیٹی نا جاچ دیوان

کوئٹہ، ڈپٹی کمشنر کوئٹہ مہراللہ بادینی نا کماشی ٹی ڈسٹرکٹ کوآرڈینیشن کمیٹی نا جاچ دیوان اڈ ہلک، ہراٹی کل تعلقدار محکمہ غاتا افسرآک بشخ ہلکر۔ دیوان اٹی مچ آ ضلع ٹی جتاجتا محکمہ غاتا کنڈ آن برجا سرجز و گام گیج آتتون تعلقدار کارکڑد رپورٹ پیش کننگا، ہرافتا جم جاچ ءِ ہلنگا۔ دیوان اٹی بلوچستان چیریٹی کمیشن نا نمائندہ غاک بھی بشخ ہلکر و اسکول، مدرسہ غاتتون اوار ایلو ادارہ غاتا رجسٹریشن نا بابت بریفنگ تسر۔ ڈپٹی کمشنر کوئٹہ مہراللہ بادینی تعلقدار محکمہ غاتے پارت کرے کہ برجا باندات آتے ٹی تین پہ تینی رابطہ و کمکاری ءِ پین جوان کننگے، وخت اس کہ کل ادارہ غاک تینا زمواری تے وخت آ و گچین وڑ اٹ سر ایتر۔ او سرکاری باندات آتے ٹی شفافیت و کارکڑد ءِ پک کننگ آ ہم زور شاغا۔