اے سی جھٹ پٹ دھیرج کالرا نا چندی پیٹرول پمپ آتا اناگت دورہ

جعفرآباد، ڈپٹی کمشنر جعفرآباد خالد خان نا خصوصی پارت آ اسسٹنٹ کمشنر جھٹ پٹ دھیرج کالرا ڈیرہ اللہ یار شار اٹی جوڑ چندی پیٹرول پمپ آتا اناگت دورہ ءِ کرے، ہراڑے او پیٹرول نا کوالٹی، کچ، کچ کننگ نا ازباب، ڈیجیٹل گیج و سرکاری پک کروک نہاد آتا جم جاچ ءِ ہلک دا وخت آ منہ پیٹرول پمپ آ بے ضابطگی و حکومتی پرمان تا خلاف ورزی تا مون آ بننگ آ تعلقدار انتظامیہ نا برخلاف کارروائی کرسا ڈنڈ کننگا۔ اسسٹنٹ کمشنر دھیرج کالرا پیٹرول پمپ مالک آتے سختی اٹ پارت کرے کہ الس ءِ پک کروک سرکاری نہاد آتا رِد اٹ آب اٹو پیٹرول و سہی کچ آ فراوانی ءِ امر کہ مرے پک کننگے‘ وخت اس کہ کم کچ‘ زیات نہاد ہلنگ و ایلو کانود آن چَپ گام گیج آتیان پاناد کننگے۔