کشمیر نا ویل انا انصاف اٹ ایسری امن کن المی ءِ، چیئرمین سینٹ

اسلام آباد، سینٹ نا چیئرمین سید یوسف رضا گیلانی پارینے کہ کشمیر نا ویل انا انصاف اٹ ایسرسویلی ایشیاٹی مدامگی امن کن المی ءِ، جہانی برادری مقبوضہ جموں و کشمیر اٹی انسانی حق آتا حالیت آتانوٹس ءِ ہلے و اقوام متحدہ نا قرارداد آتیا عمل درآمد ءِ پک کننگ کن گچین کڑد ادا کے۔ کشمیر تہاردے انا وخت آ تینا کلہواٹی پارے کہ 27 اکتوبر کشمیری الس نا تاریخ نا تہار ءُ دے اسے، دا دے بھارتی گام گیج آک کشمیری الس نا زند آتے بھاز زہمی کریر۔ او پارے کہ کشمیری الس نا قربانی است آن دننگ مفک و اوفتا جہد ءِ گوجالنگ مفک۔ سینٹ نا چیئرمین پارے کہ کشمیری الس ءِ اقوام متحدہ نا قرارداد آتا رداٹ حق خودارادیت بایدے تننگے‘ تانکہ او تینا آخبت نا فیصلہ ءِ تینٹ کننگ کیر۔ جہانی برادری کشمیری الس نا بنداوی حق آتا رکھ و ویل انا انصاف اٹ ایسری کن تینا زمواری تے پورو کے۔ او پارے کہ پاکستان بھارتی گام گیج آتے مسترد کیک و کشمیری الس نا سیاسی، اخلاقی و سفارتی مخ تفی ءِ برجا تخک۔ پاکستان کشمیر نا ویل انا انصاف اٹ ایسری اسکان کشمیری الس تون اوار سلک۔