جہانی برادری کشمیر نا ویل انا انصاف اٹ ایسری کن کڑد ادا کے، گورنر بلوچستان

کوئٹہ، گورنر بلوچستان جعفر خان مندوخیل پارینے کہ 27 اکتوبر آ تہاردے اڈ تننگ نا مسخت کشمیر آ بھارتی کوزہ نا برخلاف توار بڑز کننگ و اقوام متحدہ نا قرارداد آتا رداٹ کشمیری الس نا حقِ خود ارادیت نا مخ تفی ءِ کننگ ءِ۔ اینو مچ آ ملک اٹ جلسہ، جلوس و ریلی تا کمک اٹ کشمیری ایلم و ایڑھ تتون یکجہتی نا درشانی ءِ کننگ انگ ءِ۔ گورنر بلوچستان دا وخت آ تینا کلہو اٹ پارے کہ پاکستان اقوام متحدہ تون اوار جہانی کہول آ ہر اہم فورم آ کشمیر نا ویل ءِ پبی وڑ اٹ تالان کرینے، جہانی برادری نا زمواری ءِ کہ او کشمیر نا ویل نا انصاف اٹ ایسری کن تینا کڑد ءِ ادا کے و کشمیری الس ءِ اوفتا بنداوی حقِ خود ارادیت ترفنگ کن عملی گام گیج کے۔