گوادر نا کالج آتا پرنسپل آتا ڈائریکٹر کالجز نا کماشی ٹی دیوان
Get real time updates directly on you device, subscribe now.
گوادر، صوبائی حکومت نا تعلیم دوست پالیسی و آب اٹنگا تعلیم نا شون تننگ نا وژن نا رد اٹ ضلع گوادر نا کالج آتا پرنسپل آتا دیوان ڈائریکٹر کالجز پروفیسر محمد حسین بلوچ نا کماشی ٹی اڈ ہلک، ہراٹی مچ آ ضلع نا کالج آتا سروک آک بشخ ہلکر و ادارہ غاتا تعلیمی کارکڑد، انتظامی باندات و تدریسی سرجز آتتون تعلقدار پیشرفت آن دیوان ءِ معلومدار کریر۔ دیوان اٹی طالب علم آتا حاضری، ایسوسی ایٹ ڈگری پروگرام آ پیشرفت، معاوضہ غاتتون تعلقدار باندات و کالج تا گچین فعالی تون اوار تعلیمی و انتظامی باندات آتا جاچ ءِ ہلنگا۔ دا وخت آ ڈویژنل مانیٹرنگ آفیسر کالجز مکران پروفیسر برکت اسماعیل ضلع گوادر نا کالج آتا کارکڑد آ بریفنگ ترسا پارے کہ ساڑی تعلیمی سیشن اٹ مسڑ طالب علم آتا بڑزکو ثانوی تعلیم اسکان رسینگ گیگ ءِ ودفنگ کن مسہ پوسکن گرلز انٹر کالج جوڑ کننگانے۔