بھارت کشمیر آ ناروا کوزہ کرسا السی حق آتے لتاڑ کرینے، صادق عمرانی

کوئٹہ، بلوچستان نا سینئر صوبائی وزیر، پاکستان پیپلز پارٹی نا بنجائی کمیٹی نا باسک و پارلیمانی لیڈر و صوبائی وزیر آبپاشی میر محمد صادق عمرانی 27 اکتوبر تہار دے نا وخت آ تینا بیان اٹی پارینے کہ 27 اکتوبر تہار دے اڈ تننگ نا مسخت کشمیری ایلم تتون یکجہتی نا درشانی و اوفتا آجوئی نا جہد انا مخ تفی کننگ ءِ۔ میر محمد صادق عمرانی پارے کہ 27 اکتوبر 1947ء آ بھارت کشمیر آ ناروا کوزہ کرسا کشمیری الس نا حق آتے لتاڑ کرے۔ دا دے ءِ تہار دے انا وڑ اٹ اڈ ترسا نن دنیا ءِ دا کلہو ءِ ایتنہ کہ پاکستانی قوم تینا کشمیری ایلم تتون سلوک ءِ۔ او پارے کہ پاکستان پیپلز پارٹی بنائی دے آن کشمیری الس نا حقِ خودارادیت نا مخ تف مسنے‘ شہید ذوالفقار علی بھٹو و شہید بینظیر بھٹو مدام کشمیر کاز ءِ جہانی کہول آ پاش کریر۔