نائیک سیف علی جنجوعہ ہلال کشمیر نا بے مٹ بہادری تے گیرام کپک،وزیراعظم محمد شہباز شریف

اسلام آباد، وزیراعظم محمد شہباز شریف پارینے کہ شہید نائیک سیف علی جنجوعہ ہلال کشمیر (نشان حیدر) نا 78 می کزیہ دے آمچ آ قوم اونا بے مٹ بہادری و جیرتی شہیدی آ اودے خراج عقیدت پیش کیک، شہید آتا دتر، بہادر ورناتا ارادگی پکا و مچ آ قوم انا دھرتی تون مہرومریبت وطن نا دفاع، آجوئی و سلامتی نا رکھ و وتواجہی نا ضمانت ءِ۔ دوشنبے نادے آ پی ایم آفس نا میڈیا ونگ آن شہید نائیک سیف علی جنجوعہ ہلال کشمیر (نشان حیدر) نا 78 می کزیہ دے (26 اکتوبر 2026) آ جاری کلہواٹی وزیراعظم پارے کہ نائیک سیف علی جنجوعہ شہید 1948 اٹی جنگ اٹی لغور دشمن نا جلہو آتتون مردی اٹ مون تس و آجوئی نا جنگ اٹی کچ و وسیلہ غاتا گمر اٹ تموک دشمن نا جلہو آتے بے مٹ دلیری اٹ بے سہب کرے۔ جنگ انا وخت آ ٹھپی مننگ آن پدہم نائیک سیف علی جنجوعہ شہید تینا فوجی دستہ نا بھاز دلیری اٹ کمامداری ءِ کرے و دشمن نا برخلاف آخریکو دم اسکان مون تس و آخرکار شہیدی نا جام ءِ نوش کرے۔ اوپارے کہ دھرتی کن سیف علی جنجوعہ نا بھلا قربانی مچ آ قوم اکن گمر نا سوب ءِ۔ اوپارے کہ شہید نائیک سیف علی جنجوعہ وادی کشمیر نا فرزند مننگ نا حق ءِ ادا کرے، اونا تاریخی قربانی اوناوطن تون بے کچ مہرومریبت نا شاہدی ءِ۔ وزیراعظم پارے کہ شہید آتا دتر، بہادر ورنا تا سوگو آ ارادگی و و مچ آ قوم انا دھرتی تون مہرومریبت بے شک وطن نا دفاع، آجوئی و سلامتی نا رکھ انا ضمانت ءِ۔ او پارے کہ مچ آ قوم کل شہید آتا جوزہ حب الوطنی و جانفشانی ءِ سلام پیش کیک۔ اللہ تعالی کل وطن نا شہید آتا درجہ غاتے بڑز کے۔