حاجی نور محمد دمڑ تون مسکوہی صوبائی وزیر میر سکندر عمرانی نا اوڑدہی
Get real time updates directly on you device, subscribe now.
کوئٹہ، صوبائی وزیر کموڈیٹی مینجمنٹ ڈیپارٹمنٹ و چیئرمین بلوچستان فوڈ اتھارٹی حاجی نور محمد دمڑ تون مسکوہی صوبائی وزیر میر سکندر عمرانی اوڑدہی کرے، ہراٹی بلوچستان نا ساڑی سیاسی حالیت، صوبہ ءِ مون تروک ویل و تین پہ تینی استخواہی نا باندات آتیا گپ وتران کننگا۔ اوڑدہی ناوخت آ صوبہ ٹی سیاسی سوگوی، تین پہ تینی رابطہ غاتا شون تننگ و السی ویل آتا ایسری کن مثبت سیاسی مکالمہ نا اہمیت آ گپ و تران مس۔ ہڑتوم آ راہشونک دا ہیت آ زور شاغار کہ بلوچستان نا شونداری، الس نا شونہالی و صوبہ ٹی مدامگی امن کن کل سیاسی واک آتا نیام اٹی شرف، افہام و تفہیم و گچین رابطہ غاتے مونی دننگ وخت نا اہم ءُ گرج اسے۔ دا وخت آ اوفک پاریر کہ السی فائدہ غاتے اولیت ترسا صوبہ نا شونداری و شونہالی کن مثبت سوج، سنجیدہ سلابت و اسیجائی کوشست آتے اہمیت تننگے المی ءِ۔