کھد راہی تس انا نظام اٹی شفافیت کن بھرمی گام گیج کننگ انگ ءِ، احسان کاکڑ
Get real time updates directly on you device, subscribe now.
بارکھان، ڈپٹی کمشنر بارکھان سعیدالرحمن کاکڑ نا پارت آ اسسٹنٹ کمشنر بارکھان احسان الدین کاکڑ و فوکل پرسن محکمہ کشت وکشار کھد میر نوروز خان کھیتران بارکھان مارکیٹ اٹی کھد انا فزیکل ویری فکیشن ءِ کریر۔ دا وخت آ کھد انا کل دکاندار تتون اسہ اسیجائی ءُ دیوان اس ہم اڈ تننگا۔ دیوان اٹی پری کرسرز ٹریکنگ اینڈ ٹریس ایبلٹی سسٹم (PTTS) نا نفاذ، دکاندار آتا رجسٹریشن و اوفتے مون تروک ویل آتیا جم وڑ اٹ سجفنگا۔ کمامدار آک دکاندار آتے مون تروک خواری تا ایسری ٹی کمکاری نا باور کرفیر و حکومتی پرمان تیا بھرمی عملدرآمد ءِ پک کننگ آ زور شاغار۔ کمامدار آک دا ارادگی نا درشانی ءِ کریر کہ حکومتی پارت آتیا عملدرآمد، کھد انا راہی تس نا نظام اٹی شفافیت و کانود آن چَپ سرجز آتا توننگ کن بھرمی گام گیج آک برجا تخنگرہ۔