وزیراعظم نا چوہدری اشرف و ملک ندیم کامران نا خاہوت آتتون ہڑزخواہی
Get real time updates directly on you device, subscribe now.
ساہیوال، وزیراعظم محمد شہباز شریف ساہیوال اٹ مسکوہی باسک قومی اسمبلی ایماندار چوہدری محمد اشرف و باسک پنجاب اسمبلی و صوبائی وزیر ملک ندیم کامران نا ہنکین آ ہنسا خاہوت آتتون است ہسونی نا درشانی ءِ کرے۔ دوشنبے نادے آوزیراعظم آفس نا میڈیا ونگ آن جاری بیان نا رداٹ وزیراعظم چوہدری محمد اشرف نا کزیت آ اونا خاہوت تون ہڑزخواہی کرے۔ وزیراعظم محمد شہباز شریف ساہیوال اٹ صوبائی اسمبلی نا باسک و پلاننگ اینڈ ڈویلپمنٹ نا صوبائی وزیر ایماندارملک ندیم کامران نا اُراغ اہم ہنا و اونا مار پنجاب اسمبلی نا باسک ملک قاسم ندیم و خاہوت تون ہڑزخواہی کرے۔ وزیراعظم ایماندارتابڑزکو درجہ و خاہوت آتیکن صبرِجمیل نا دعا کرے۔ وزیراعظم پارے کہ چوہدری محمد اشرف و ملک ندیم کامران مدام حلقہ نا الس و جمہوریت نا خذمت ءِ کریر، ایماندار تا پارٹی و ساہیوال نا الس کن خذمت آتے مدام یات تخنگک۔ دا وخت آ سلاہکار وزیراعظم رانا ثناء اللہ و بنجائی وزیر اعظم نذیر تارڑ و عطاء اللہ تارڑ اسک ہم ساڑی ئسر۔