بلاول بھٹو نا ڈیرہ اسماعیل خان و بلوچستان اٹی کارروائی تا ستا

اسلام آباد، پیپلز پارٹی نا چیئرمین بلاول بھٹو زرداری ڈیرہ اسماعیل خان و بلوچستان اٹی دہشت گرد آتا برخلاف سرسہب کارروائی تیٹی سیکورٹی فورس آتے خراجِ تحسین پیش کرینے۔ میڈیا سیل بلاول ہاؤس آن جاری بیان اٹی چیئرمین بلاول بھٹو زرداری ڈیرہ اسماعیل خان آپریشن اٹی شہیدی نا جام ءِ نوش کروک نائیک غلام مرتضیٰ و سپاہی تاثیر احمد ءِ خراجِ عقیدت پیش کرسا شہید آتا بڑزکو درجہ غاتیکن دعا و اوفتا خاہوت آتتون است ہسونی و یکجہتی نا درشانی ءِ کرے۔ او پارے کہ دہشت گردی نا برخلاف جنگ اٹی سیکورٹی فورس آتا بہادری و کسبی لائخی ستاکڑزک۔ بلاول بھٹو زرداری پارے کہ قلعہ سیف اللہ ٹی دہشتگرد کمانڈر نا خلنگ سیکورٹی فورس آتا گچین کارروائی تا شاہدی ءِ۔ او پارے کہ دہشتگردی نا پورو چٹفنگ و ملک انا امن و سوگوی کن قومی ارادگی نزور مفک۔