مکہ معاہدہ نا بڑزکو کہولی کمامدار آتا ایرانی سرکڑدہ غاتتون اوڑدہی پک

اسلام آباد، مکہ دفاعی معاہدہ نا باسک ملک پاکستان، سعودی عرب و ترکیہ نا بڑزکو کمامدار آک ایرانی سرکڑدہ غاتتون اوڑدہی کیرہ۔ خبر رساں ایجنسی رائٹرز نا رِد اٹ پک حوالی نا رد اٹ پاکستان، سعودی عرب و ترکیہ نا بڑزکو کمامدار آک تہران اٹی ایرانی کمامدار آتتون اوڑدہی کیرہ۔ رپورٹ نا رِد اٹ پاکستان نا نمائندگی ءِ آرمی چیف فیلڈ مارشل عاصم منیر کیک‘ سعودی عرب نا نمائندگی ءِ وزیر دفاع شہزادہ خالد بن سلمان وخت اس کہ ترکیہ نا کنڈ آن ترک انٹیلی جنس نا سروک بشخ ہلیک‘ خبر ایجنسی نا رِد اٹ سعودی عرب آ حوثی جلہو تیان پد ایران، سعودی عرب، پاکستان و ترکیہ نا نیام اٹی بڑزکو کہول آ دا اولیکو اوڑدہی مریک۔ آئی ایس پی آر نا رِد اٹ فیلڈ مارشل سید عاصم منیر ایران نا سرکاری دورہ ءِ کننگ اٹی ءِ ہراڑکن او تہران آ سرمسنے۔