بنجائی وزیرِ داخلہ نا گوادر جلہو ءِ بے سہب کننگ آ ستا
Get real time updates directly on you device, subscribe now.
اسلام آباد، بنجائی وزیرداخلہ محسن نقوی گوادر اٹ تعمیراتی کمپنی نا خورک کیمپ آ فتنہ الہندوستان نا جلہو ءِ بے سہب کننگ و7 دہشتگرد ءِ دوزخی کننگ آ سیکورٹی فورس آتاکسبی لائخی، سنبرینگوک مننگ و بدل مفروک ارادگی ءِ گچین لوز آتے ٹی خراجِ تحسین پیش کرینے۔ وزارت داخلہ نا کنڈآن جاری کروک بیان نا رداٹ بنجائی وزیر محسن نقوی پارے کہ فتنہ الہندوستان نا دہشتگرد آتا ناپاک ارادہ غاتے وخت آ کارروائی کرسا بے سہب کروک آ سیکورٹی فورس آتا بہادر گلزادہ غاتیا مچ آقوم ءِ گمرو ناز ءِ۔ وزیرِ داخلہ خبڑدار کرساپارے کہ بلوچستان نا امن و تعمیر و شونداری نا سفر اٹ اڑاند شاغوک ملک دشمن زموار و دہشت گرد آتا ایسر بیرہ عبرتی مرک ءِ۔ او مستی پارے کہ دہشت گردی نا برخلاف برجا دا جنگ اٹی مچ آ قوم تینا بہادر سیکورٹی فورس آتتون ہم کوپہ سلوک ءِ۔