ڈپٹی کمشنر دکی نا کماشی ٹی ڈسٹرکٹ ہیلتھ کمیٹی نا دیوان
Get real time updates directly on you device, subscribe now.
دکی، ڈپٹی کمشنر دکی فضل الرحمن کبدانی نا کماشی ٹی ڈسٹرکٹ ہیلتھ کمیٹی (ڈی ایچ سی) نا دیوان اڈ ہلک، ہراٹی ڈپٹی ڈسٹرکٹ ہیلتھ آفیسر، میڈیکل سپرنٹنڈنٹ ڈسٹرکٹ ہیڈکوارٹر ہسپتال، ڈسٹرکٹ منیجر پی پی ایچ آئی، ڈسٹرکٹ اکاؤنٹس آفیسر، جانجوڑی نا پروگرام تا ضلعی کوآرڈینیٹر و ایلو تعلقدار کمامدار آک بشخ ہلکر۔ دیوان اٹی مچ آ ضلع نا سرکاری ہسپتال و جانجوڑی ہند آتا کارکڑد، طبی کارندہ غاتا حاضری، فیلڈ وزٹ آتا رپورٹ، الس ءِ فراوان کروک طبی آسراتی و تدوک آ دیوان نا فیصلہ غاتیا عملدرآمد نا جاچ ءِ ہلنگا۔ ڈپٹی کمشنر فضل الرحمن کبدانی پیدوار کرے کہ طبی کارندہ غاتا غیر حاضری و زمواری تے ٹی ڈیوالئی اسُل سگنگ مفک و ڈیوالئی کروک کارندہ غاتا برخلاف قاعدہ و ضابطہ نا رِد اٹ سخت کارروائی کننگک۔