گورنمنٹ گرلز ہائی اسکول ببر شور پسنی نا طالب علم آتا گوادر نا دورہ
Get real time updates directly on you device, subscribe now.
گوادر، صوبائی حکومت نا تعلیم دوست پالیسی نا رد اٹ مسڑ طالب علم آتا تعلیمی و ذہنی شون‘ مشاہداتی لائخی تے ٹی ودکی و نصابی علم ءِ عملی آزموندہ غاتتون اوار کننگ کن گورنمنٹ گرلز ہائی اسکول ببر شور پسنی نا دہم کلاس نا مسڑ طالب علم آک اسسٹنٹ کمشنر پسنی خسرو دلاوری نا خصوصی کمک اٹ گوادر نا مطالعاتی دورہ ءِ کریر۔ طالب علم آک ہیڈ مسٹریس نا مانیٹرنگ اٹی گورنمنٹ گرلز ہائی اسکول شمبے اسماعیل گوادر، جی ڈی اے پارک و گوادر ویمن بازار نا دورہ ءِ کریر، ہراڑے اوفتے تعلیمی چاگڑد، شاری سرجز و چندی راجی پہلو تا خڑک آن مشاہدہ کننگ نا وارخواہی رسینگا‘ دا مطالعاتی دورہ نا مسخت طالب علم آتے روایتی تدریسی سرجز آتیان جتا عملی مشاہدہ نا کمک اٹ علم و آگہی فراوان کننگ، اوفتا پت و تخلیقی لائخی تے شون تننگ و تعلیمی سرجز آتے حقی زند انا آزموندہ غاتتون ہم گرنچ کننگ ئس۔