نائب وزیراعظم نا مالدیپ نا صدر ڈاکٹر محمد معیزو تون اوڑدہی
Get real time updates directly on you device, subscribe now.
اسلام آباد، نائب وزیراعظم و وزیر خارجہ سینیٹر محمد اسحاق ڈارچارشنبے نادے اسلام آباد اٹی مالدیپ نا صدر ڈاکٹر محمد معیزو تون اوڑدہی کرے۔ ترجمان دفترخارجہ غان جاری بیان نا رداٹ نائب وزیراعظم صدر آصف علی زرداری و وزیراعظم محمد شہباز شریف نا کنڈآن صدر ڈاکٹر محمد معیزو ءِ جم وجوش اٹ سلام و نیک استخواہی پیش کرے۔ او صدر و اونا ڈل ءِ پاکستان اٹی جم وجوش اٹ بخیرکرے۔ مالدیپ تون پاکستان نا متکن آ تعلقداری نا ارادگی ءِ پک کرسا وزیر خارجہ اسحاق ڈار واپار، زرکاری، تعلیم، موسمیاتی بدلی و سیل و سوات نا بشخ آتیٹی ہڑتوم آ کنڈآتا کمکاری ءِ ودفنگ آ زور شاغا۔ نائب وزیراعظم مالدیپ۔ پاکستان بزنس فورم اٹ مالدیپ کاروباری ڈل انا بشخ ہلنگ نا ستاءِ کرے و اومیت درشان کرے کہ بزنس ٹو بزنس اوڑدہی تیان پبی واپاری و زرکاری نا وارخواہی ودی مریک۔ صدر ڈاکٹر محمد معیزو او و اونا ڈل اکن جم وجوش اٹ بخیر کننگ و مہمانداری نا ستاءِ کرے۔ او پاکستان تون تینا خڑک تعلقداری تے کڑمب کننگ و تین پہ تینی فائدہ کمکاری نا پوسکن ءُ کسر پٹنگ نا مالدیپ نا استخواہی نا درشانیءِ کرے۔