قطر و پاکستان نا کمک اٹ امریکہ تون حوال برجا ءِ، عباس عراقچی

تہران، ایران نا وزیر خارجہ عباس عراقچی پارینے کہ داسہ ہم قطر و پاکستان نا کمک اٹ امریکہ تون حوال آک برجاءُ‘۔ایرانی ٹی وی نیٹ ورک الاخباریہ ءِ انٹرویو ترسا ایرانی وزیر خارجہ عباس عراقچی پارے کہ آبنائے ہرمز ہچ ءُ جہانی آبی کسر اس اف بلکہ دا ایران و عمان نا علاقائی سمندری دنگ اٹ ساڑی ءِ۔ او پارے کہ ایران و عمان نا نیام اٹی آبنائے ہرمز اٹی بحری ہن وبر تون تعلقدار امنائی مسنے، آبنائے ہرمز اٹی کسر تا اسہ خاص ءُ نقشہ اس تیار کننگانے، آبنائے ہرمز ملنگا تو ایران و عمان نا نیام اٹی پک مروک کسر کاریم اٹ اتنگک۔ امریکہ تون مذاکرات تون تعلقدار عباس عراقچی پارے کہ تہران، عسکری بے چیٹی نا چٹفنگ کن داسہ ہم قطر و پاکستان نا کمک اٹ امریکہ تون حوالی ءِ و مذاکرات آتے برجا تخانے۔