بلوچستان اٹ قومی شناختی کارڈ آتا پک کننگ آ کاریم مننگ ءِ، طلال چوہدری

اسلام آباد، وزیر مملکت داخلہ محمد طلال چوہدری پارینے کہ بلوچستان اٹی قومی شناختی کارڈ آتا پک کننگ نا عمل ءِ میرٹ و دوئی ریکارڈ آتا بنداو آ کننگ انگ ءِ، داٹی ہچ ءُ علاقہ، قبیلہ یا بندغ اسے شست کننگ انگ اف۔ سینٹ اٹ سینٹر جان محمد نا چکاری نوٹس نا ورندی ٹی او پارے کہ بلوچستان نا اِرا ڈویژن آتا ہشت ضلع غاتیٹی 8 ہزار 875 قومی شناختی کارڈ بلاک کننگانے، وخت اس کہ مچ آ صوبہ ٹی بلاک شناختی کارڈ آتا جم کچ اسہ لکھ 38 ہزار 166 ءِ۔ او پار ے کہ شناختی کارڈ بلاک مننگ گڈیکو فیصلہ مفک۔ تعلقدار بورڈ و بڑزکو کچ انا کمیٹیک باندات آتا جاچ ءِ ہلیرہ و اعتراض آتا مرمننگ آ شناختی کارڈ آتے بحال ہم کننگ مریک۔ وزیر مملکت پار ے کہ جعلی کاغذ یا غلط خاہوتی اندراج نا کمک اٹ شناختی کارڈ دوئی کننگ نا باندات آتا جاچ المی ءِ، انتئے کہ قومی شناختی کاغذ آتا شرف پاکستان نا جہانی تعلقداری و ویزا آسراتی تیکن اہم ءِ۔ او پارے کہ عمان و سعودی عرب نا کنڈآن پاکستانی کاغد آتیاسفر کروک گڑاس بندغ آتا شہریت نا بابت گڑتی مون آبس، ہراڑان پاکستان کن سفارتی و ویزا نا بابت ویل ودی مننگ کیک۔ محمد طلال بدر باوری کرفے کہ اگہ خاص ءُ کیس اسے ٹی غاو یا اعتراض ارے تو اونا دُوارہ جاچ ءِ ہلسا ویل ءِ ایسر کننگ کن گام گیج کننگک۔