کل محکمہ غاتا سروک آک حکومتی پارت آتیا عمل ءِ پک کیر، تابش علی بلوچ
Get real time updates directly on you device, subscribe now.
تربت، ڈپٹی کمشنر کیچ یاسر اقبال دشتی نا پارت آ ایڈیشنل ڈپٹی کمشنر کیچ تابش علی بلوچ نا کماشی ٹی ضلع کیچ انا ڈرائنگ اینڈ ڈسبرسنگ افسران (ڈی ڈی اوز) نا دیوان اڈ ہلک، ہراٹی ڈسٹرکٹ خزانہ آفیسر کیچ صدام بلوچ تون اوار چندی محکمہ غاتا سروک آک بشخ ہلکر۔ دیوان اٹی ڈسٹرکٹ خزانہ آفیسر صدام بلوچ شریدار آتے بریفنگ ترسا پارے کہ چیف سیکرٹری بلوچستان نا پاش پارت آتا رِد اٹ کل ڈی ڈی اوک ہر تُو انا 15 تاریخ اسکان تینا محکمہ غاتیٹی حاضر سروس ملازم آتا نوشتئی لڑ ءِ تعلقدار خزانہ آفس اٹی جمع کرفنگ نا پابند ءُ تاکہ تنخواہ تا وخت آ تننگ ءِ پک کننگ مرے۔ دا وخت آ ایڈیشنل ڈپٹی کمشنر کیچ تابش علی بلوچ کل محکمہ غاتا سروک و ڈی ڈی او تیا زور شاغا کہ او سرکاری پارت آتیا عملدرآمد ءِ پک کیر۔