پیٹرولیم مصنوعات نا نہاد آتے 7 دے انا نیام اٹ کننگک، علی پرویز ملک
Get real time updates directly on you device, subscribe now.
اسلام آباد، پٹرولیم نا وزیر مملکت علی پرویز ملک پارینے کہ پیٹرولیم نا نہاد آتا پک کننگ سپلائی ءِ برجا تخنگ، ناروا کٹیا کاری و کوڑی کننگ ءِ توننگ کن جہانی منڈی نا نہاد آتا رداٹ کننگک۔ سے شنبے نادے آ قومی اسمبلی نا دیوان اٹی قومی اسمبلی نا باسک عالیہ کامران نا چکاری نوٹس آ او پارینے کہ پٹرولیم نا نہاد آتا پک کننگ 7 دے انا اوسط آ مریک، نن پٹرول درآمد کینہ، سپلائی ءِ برجا تخنگ، ناروا کٹیا کاری و کوڑی کننگ ءِ توننگ کن جہانی منڈی نا رداٹ نہاد آتے پک کننگک، بیرہ ہڑدے ئی بنداو آ نہاد آتا پڑو ءِ کننگک۔ وزیراعظم نا پارت آ پیٹرولیم کمپنیک تینا کٹیا ءِ کم کرینوہرانا سوب آن تدوک آ دے پٹرول و ڈیزل نا نہاد آتیٹی زیات کمتی کننگانے۔