اسسٹنٹ کمشنر اُستا محمد ماریہ شمعون نا گورنمنٹ گرلز کالج اُستا محمد نا دورہ
Get real time updates directly on you device, subscribe now.
اُستا محمد، ڈپٹی کمشنر اُستا محمد محمد رمضان پلال نا پارت آ اسسٹنٹ کمشنر اُستا محمد ماریہ شمعون گورنمنٹ گرلز کالج اُستا محمد نا دورہ ءِ کرے، ہراڑے او تدریسی کارندہ غاتا حاضری، سرکاری ریکارڈ، حاضری رجسٹر و کالج نا انتظامی باندات آتا جم جاچ ءِ ہلک‘ دورہ نا مسخت تعلیمی ادارہ ٹی نظم و ضبط، استاد آتا باقاعدہ حاضری و سرکاری ریکارڈ نا راستیءِ پک کننگ کن ساڑی بست وبند آتا جاچ ءِ ہلنگ ئس۔ دورہ ناوخت آ اسسٹنٹ کمشنر تدریسی عملہ نا حاضری و رخصت نا ریکارڈ نا جاچ ءِ ہلک ہراٹی گمانی وڑ اٹ منہ استاد نا تدوک آ اِرا تُو آن غیر حاضری، رخصت نا باقاعدہ ریکارڈ نامفننگ و حاضری رجسٹر آتا جوان چاروکی وڑ انا باندات آک مون آ بسر۔ داکان بیدس کالج نا کارندہ غاتا کنڈآن پاننگا کہ منہ پروفیسر حاضری رجسٹر اٹی باقاعدگی اٹ تینا حاضری ءِ خلپننگ ءُ ہرا انتظامی نظم و ضبط و سرکاری ریکارڈ نادرستگی نا رد اٹ چکار کڑزوک باندات اسے۔ اسسٹنٹ کمشنر ماریہ شمعون دا بے ضابطگی تے نوٹ کرسا تعلقدار ریکارڈ نا پورو جانچ پڑتال و غیر حاضری تا سوب ءِ پک کننگ نا گرج آ زور شاغا۔ او پیدوار کرے کہ سرکاری تعلیمی ادارہ غاتیٹی استاد آتا حاضری، رخصت نا درج کننگ و سرکاری دستاویز آتا جوان چاروکی قاعدہ و ضابطہ نا رِد اٹ بایدے مرے تاکہ ادارہ نا انتظامی باندات آک شفاف و منظم وڑ اٹ چلینگر۔