18 اکتوبر پاکستان نا سیاسی تاریخ نا تہار ءُ دے اسے، صادق عمرانی
Get real time updates directly on you device, subscribe now.
کوئٹہ، بلوچستان نا سینئر صوبائی وزیر، پیپلز پارٹی نا سینٹرل کمیٹی نا باسک و پارلیمانی لیڈر و صوبائی وزیر آبپاشی میر محمد صادق عمرانی 18 اکتوبر 2007ء سانحہ کارساز نا وخت آ تینا بیان اٹی پارینے کہ 18 اکتوبر پاکستان نا سیاسی تاریخ نا تہار ءُ دے اسے ہراتم شہید بے نظیر بھٹو نا وطن آ پدی بننگ ناوخت آ کارساز نا ہند آ دو خورککارندہ تیا مروک جلہو اصل اٹ جمہوریت و جمہوری اقدار تیا جلہو اس ئس۔ او پارے کہ سانحہ کارساز اٹی 170 آن زیات جیالہ تینا جان تے ندر کرسا پک کریر کہ السی طاقت ءِ توفک و بارود اٹ توننگ مفک‘ او پارے کہ کارساز نا شہید آتا قربانیک جمہوری جہد نا گیرام کپروک باب اسے ءُ۔ صوبائی وزیر پارے کہ شہید آتا دتر آن ملک اٹی آمریت نا چٹفنگ و جمہوریت نا بحالی نا کسر آوار مس۔