کچھی ٹی امن ایمنی نا حالیت گڑتی نا سوب ءِ‘سردار یار محمد رند
Get real time updates directly on you device, subscribe now.
ڈھاڈر، سینئر سیاستدان مسکوہی بنجائی وزیر سردار یار محمد رند ضلع کچھی ٹی امن و ایمنی نا خراب حالیت آ گڑتی نا درشانی ءِ کرسا پارے کہ ضلع کچھی نا جتا جتا علاقہ و شاہراہ تیا ڈوہ تا کچ ودنگ اٹی ءِ‘ ہرانا سوب آن مسافر، پولیس کارندہ و افسر آک ہم رکھوک افس‘ او پارے کہ نیشنل ہائی وے آ مسافر آتے و تہہ انا روڈ آتیا پدریسہ راہزنی و پلنگ نا واقعہ و ایس پی کچھی مرتضی بھٹو نا گاڈی آ سم کاری مذمت نا قابل ءِ‘ قومی شاہراہ این 65 آ مچ آ ملک انا ٹرانسپورٹ و مسافر آک سفر کیرہ و داڑتون لکھ آ بندغ آتا روزگار گنڈوک ءِ ولے بے ایمنی نا سوب آن اینو سفر نا وڑ انا سلتنے‘ ہرانا بھلا سوب فارم 47 نا کمک اٹ بیٹ کروک نمائندہ غاک امن ءِ برجا تخنگ اٹ پورو وڑ اٹ بے سہب مسنو، الس نا جان و مال رکھوک اف، ہر کنڈ بے چیٹی تالان مسنے۔ او حکومت و کانود نافذ کروک ادارہ غاتا چکار ءِ دا کنڈآ کرسا پارے کہ ڈوہدار آتا برخلاف گچین کارروائی کرسا الس نا جان و مال انا رکھ ءِ پک کننگے۔