ایران نا برخلاف پاکستان نا ڈغار آن کارروائی نا حوال آک پروپیگنڈہ ءُ وزارت حوالکاری
Get real time updates directly on you device, subscribe now.
اسلام آباد، وزارت حوالکاری امریکی بحریہ نا پاکستان نا موکل اٹ ایران نا برخلاف تینا ڈغار آن کارروائی تا حوال آتے بے بنداو پروپیگنڈہ گوندسا مسترد کرینے۔ وزارتِ حوالکاری وشینکاری نا اسہ بیان اسے نا رِد اٹ قطبی امریکہ نا اسہ اکاؤنٹ اسے نا کنڈ آن کروک آ دا دعویٰ کہ امریکی بحریہ پاکستانی موکل اٹ ایران نا برخلاف پاکستانی ڈغار آن کارروائی کننگ اٹی ءِ، بے بنداو و فریب آ تالان پروپیگنڈہ ءِ، دا دروغ آ تالان دعویٰ ءِ پین شین تننگ اصل اٹی کنفیوژن، غلط فہمی و بے چیٹی تالان کننگ نا بھلو ایجنڈا نا بشخ ءِ۔ وزارت حوالکاری وشینکاری نا رِد اٹ دن انگا سوشل میڈیا پوسٹ آتیا بایدے سنجیدہ وڑاٹ چکار کننگپ۔ دا بے بنداو حوال آتے بیرہ پروپیگنڈہ گوندنگے و ہندا وڑ اوفتتون مون تننگے۔