پی ٹی اے نا این اے 25 (کراچی-چمن) آ بے پرمٹ گاڈی تا برخلاف کارروائی
Get real time updates directly on you device, subscribe now.
کوئٹہ، سیکرٹری ٹرانسپورٹ بلوچستان محمد حیات کاکڑ و سیکرٹری پروونشل ٹرانسپورٹ اتھارٹی (پی ٹی اے) بلوچستان عبدالمجید جونجو نا خاص پارت آتا رد اٹ پی ٹی اے نا کارندہ غاک قومی شاہراہ این اے 25 (کراچی-چمن) آ کانود آن چَپ و بے پرمٹ و کاغد ایلو دستاویز آتیان بیدس چلینگوک گاڈی تا برخلاف کارروائی کرے کارروائی ٹی گاڈی تا روٹ پرمٹ، المی کاغد و فٹنس سرٹیفکیٹ تا جاچ ءِ ہلنگا، وخت اس کہ کانودی خواست آتے پورو کپروک گاڈی تا برخلاف کارروائی کرسا کساس 27 گاڈی تا چالان کننگار دا اسیجائی کارروائی ٹی پروونشل ٹرانسپورٹ اتھارٹی نا کارندہ غاتتون اوار موٹروے پولیس نا کارندہ غاک ہم بشخ ہلکر۔