ڈپٹی کمشنر دکی فضل الرحمن کبدانی نا کماشی ٹی پولیو مہم نا بابت دیوان
Get real time updates directly on you device, subscribe now.
دکی، ڈپٹی کمشنر دکی فضل الرحمن کبدانی نا کماشی ٹی بروک پولیو مہم نا تیاری، بست وبند و گچین حکمت عملی نا جاچ ءِ ہلنگ کن اہم ءُ دیوان اس اڈ ہلک۔ دیوان اٹی ڈی ایم پی پی ایچ آئی قاہر خان درانی، ڈسٹرکٹ پولیو آفیسر ڈاکٹر عبداللہ جان، این اسٹاپ ڈاکٹر عزیزاللہ، ایم اینڈ ای آفیسر ای پی آئی پیر محمد، سی سی او سعید احمد ناصر تون اوار تعلقدار افسر و ایلو زموار آک بشخ ہلکر۔ دیوان اٹی بروک آ پولیو مہم نا بابت مائیکرو پلاننگ، پولیو ٹیم تا ٹہیفنگ و ہیلکاری، چناتسکان رسینگ، حساس ہند آتا نشاندہی، مانیٹرنگ و مہم ءِ گچین جوڑ کننگ کن المی گام گیج آتا جم جاچ ءِ ہلنگا۔ شریدار آک مہم اٹی مون تروک گمانی چیلنج و اوفتا وخت آ ایسری نا بابت ہم گپ وتران کریر۔