جام کمال خان نا مولانا فضل الرحمان نا تران تیا گڑتی نا درشانی
Get real time updates directly on you device, subscribe now.
کوئٹہ، بنجائی واپار وزیرِ جام کمال خان جمعیت علمائے اسلام (ف) نا سروک مولانا فضل الرحمان نا کنڈ آن ریاستی ادارہ و حکومت نا برخلاف تروک آ بیان آ سخت گڑتی نا درشانی ءِ کرسا پارینے کہ پاکستان دا وخت آ زرگزرانی، سیکورٹی و جغرافیائی سیاسی وڑ انا بھلا چیلنج آتتون مون تننگ اٹی ءِ‘ دا نازرک حالیت آتیٹی سیاسی سرکڑدہ غاتیان زمواری، سنجیدگی، سگ و قومی سیوت نا شون تننگ نا اومیت کننگک‘ تینا سوشل میڈیا پلیٹ فارم ایکس (X) آ جاری بیان اٹی بنجائی واپار وزیرِ جام کمال خان پارے کہ پاکستان نا دشمن آک خیبرپختونخوا و بلوچستان ٹی ملکی وتواجہی و امن و سوگوی ءِ نسخان رسیفنگ نا ڈٹ بندی کننگ اٹی ءُ۔ دا حالیت آتیٹی قومی ادارہ غاتا برخلاف سٹی بیان و سیاسی بشخ و پانٹ ءِ پین ودفوک آ گپ و تران نہ تو جمہوریت نا فائدہ ٹی ءِ و نئے پاکستان نا قومی فائدہ غاتا وڑ اٹی ءِ۔