پی ٹی آئی نا بانی کالعدم ٹی ٹی پی ءِ پدی خیبر پختونخوا ٹی آباد کرے‘ خواجہ محمد آصف

اسلام آباد، وزیر دفاع خواجہ محمد آصف پارینے کہ پی ٹی آئی نا بانی نا کنڈ آن کالعدم تحریک طالبان پاکستان (ٹی ٹی پی) ءِ پدی اتسا خیبر پختونخوا ٹی دُوارہ آباد کاری نا پد اٹ ناپاک عزم آک کارفرمائسر۔ سوشل میڈیا پلیٹ فارم ’ایکس‘ آ جاری بیان اٹ وزیر دفاع موقف اختیار کرے کہ او دا زموارآتے ٹی تینا اسہ حلقہ اس جوڑ کریکہ تانکہ پاکستان ءِ اسہ تابعدار ریاست اس جوڑ کننگ نا ایجنڈا ءِ مون آ دننگ کن او نجی فوج انا کڑد ءِ ادا کننگ کیر۔ خواجہ آصف پارے کہ اینو خیبر پختونخوا حکومت ٹی ٹی پی نا برجاخونی و دہشت گردانہ مہم نا مون آ ہچ ءُ مزاحمت اس نشان تننگ اف۔ او دوبہ خلک کہ خیبر پختونخوا نا حکومت باقاعدہ اسہ پالیسی اسے نا رداٹ دہشت گردی نا زہمی تتون یکجہتی نا درشانی آن ہم پہلو تہی اختیار کرینے۔ وزیر دفاع پارے کہ دہشت گردی نا دا پاش مہم نا مون آ تابعدار مننگ اصل اٹ دہشت گرد آتا پاش کمک و است بڈی نا بریبرءِ۔